[小男人周记2：错在新宿].Brief.Encounter.In.Shinjuku.1990.PROPER.DVDRip.XviD-LAJ.avi

最新评论

dawdle

2009/01/20 00:42:58

+0支持

#161754

《小男人周記》新版序至今仍有人以為阿寬是鄭丹瑞的筆名。　　以阿寬做筆名的經過是這樣的。　　出版社要把「小男人周記」廣播劇本印刷成書，如果以「陳慶嘉著」印在封面，會令讀者以為不是鄭丹瑞在電台講的「小男人周記」，唯有折衷地用劇中主角阿寬的名字。　　書意外地暢銷，其他作品因此也有機會結集成書。　　出版商覺得沿用阿寬這名較有銷路保證，就這樣使用到今天。　　有人說我因「小男人周記」的版稅發了達，真正答案是如果出版商真的如數付錢給我，今日我住的一層樓不需每月供款，另外還可多買一間相同面積的單位。　　說實在我只收過兩次錢，頭一筆為數約七萬元，第二筆約五萬多一點，但要先付五千本版稅給阿旦（那是當時的口頭協議），所以真正到手的。只有七、八萬元。　　數冊的「小男人周記」就帶給我這點財富。　　「小男人周記」距今約有十年，近期重看過一次，覺得頗有趣，原來那時自己是這樣看事物的，如果今日再寫一次，又是另一回事。　　出版社欠我版稅，最後關門大吉，發行商和印刷商人把剩下的舊貨傾銷，最平賣過十元一本，也沒給我分毫版稅，其實可付諸法律行動。　　兩年前一家出版社和我商討過重新出版，沒有太大誠意，事情不了了之。　　皇冠的麥成輝兄反而坐言起行，編輯黎艷娥小姐更替我把原作繁瑣枝節刪掉，令故事情節推進更快更好看。　　其中鬧過一次笑話──我這原作者竟沒有五集齊全的舊版，要麻煩張小嫻借出以前贈她的一套來用。　　實在不知十年來賣了多少本舊版，出版社最後給我的數是每冊過五萬本的銷量（之後發現有盜版情況）。　　希望「小男人周記」精裝版能再帶給讀者歡笑，令大眾記得八十年代我們曾經這樣生活過。　　　　　　阿寬　　一九九六年三月五日　　我叫做阿寬，今年剛剛卅歲，六年前今日結婚，估唔到六年後今日，我同老婆再簽多張紙，分居！　　我自細鍾意睇南紅做戲，諗住大個娶番個咁上下款賢妻良母。點知造物弄人，唔好講！我老婆個身型有D似鄭裕玲，面型有少少似陳立品，對眼似足陳復生，個嘴好似利智，D頭髮似林振強。　　佢個名改得好好，叫做許賢淑。後尾我至知佢老豆好鍾意作大！佢英文名叫阿Ann。　　AnnHui，同許鞍華一樣！　　　　　Week　1 　　　　　　MON 　　我唔想同我老婆分居！　　分居係佢提出，果晚連電飯煲都會煲飯。　　阿Ann望住煲飯，好惘然同我講：「寬，我諗，無謂拖落去啦！大家……分開生活好唔好？」　　我唔服氣，問佢：「就係因為我煲飯？」　　「寬，大家咁大個人，你知問題出邊！」　　我連忙檢查個飯煲，向阿An n表示：「可能係發熱線壞呀！」　　其實我都覺得好悶呀！有時我寧願放工尖沙咀跟住D著住短褲女仔幾條街，都有趣過返屋企對住我老婆。佢屋企都唔係對住我，而係對住個電視機，晚晚明珠九三Ｏ。　　我唔可惜分居，我開始smel l到自由空氣。張床係晒我！我鍾意讓半邊俾邊個女仔都得。　　老婆，又睇點？　　　　　　TUE 　　大古惑爆俾全公司上下人等知，話我同老婆分居，仲訂個七磅心型蛋糕俾我，要我當場切開，以示一刀兩斷決心。成班友食得好開心。大古惑稍後叫我自己找條蛋糕數，如果我知道要自己俾，頂多五磅就夠啦！　　Q太郎裏邊OL果陣撞到我，問我點解咁大劑。　　「喂，阿寬，節哀順變，夫妻如衣服呀！」　　我若無其事話：「我好開心呀！」　　我老婆個八卦家姐Stella召我放工見佢，去到Regent至知佢帶埋個律師老公。佢兩個話叫我同阿Ann好番喎。佢兩個唔知點，勸勸自己都嗌起上，搞到打爛 Regent個花樽。　　咪終於我勸番佢兩個。　　唔知點解，好似連大廈個看更都知我分居？　　返到樓下，佢總係眼望望，望乜喎！乜未見過結婚未離婚但係又分緊居男人咩？　　　　　　WED 　　一早起身，生生猛猛，收埋牆上面同老婆映個幅結婚相。相裏面我，真係老土，件禮服著到成個侍仔咁，反而我老婆件婚紗就鬼咁矜貴，係個V領開得低D，好彩佢身材差，冇乜睇。　　阿媽今朝俾個電話我，一開口就喊，搞到我以為我阿爸死，喊半個鐘頭至話原來唔想我分居。　　佢根本唔明白分居同離婚分別。分居即係兩個國家關係惡化，降為代辦級，即係仲係有D關係。　　我阿媽聽到我話我地仲有關係，開心好多，問我幾時有孫抱，我睇佢都係唔明咩叫分居。　　大古惑提議一齊落NightClu b玩，話有個「媽媽」Call佢話有班新女跳槽到。　　Q太郎又想去又唔敢去。原來唔夠錢，佢老婆一個月俾九百銀佢做駛用。　　大古惑話借二千銀佢！放工，大古惑問我借二千銀。　　老婆，都係叫佢阿Ann打電話返，話漏套衫無帶，佢暗示自己外家住得好舒服。　　我專登放套鹹帶，扭大聲D 俾佢聽。　　佢竟然以為係我度唉聲嘆氣喎。　　　　　　THU 　　我終於落NightClub。點？係呀！我而家係一個自由人！快樂自由人！　　如果我老婆，唔係，係阿An n知道，實激到佢胃爆炸，哈哈！　　大古惑同我叫個小姐叫做Be cky，佢話係全場最紅小姐，我就覺得佢好醜樣。　　Q太郎冇！佢理由係…… 　　「我老婆搜到我有四千銀，去買洗衣機。」　　NightClub撞到一個人，竟然係我外父！大家男廁企度呆！佢竟然唔記得小便就出番去。　　唔知佢會唔會講俾老婆阿An n知呢？　　成班人去宵夜，Becky食七咁食，望見佢食個樣，我詐頭痛走先。　　返到屋企已經四點多，唔知阿Ann知道我去NightClub會點呢？　　今日駛一千二百七十三個半！係咁大個仔一次過駛得最多一日。　　　　　　FRI 　　今日竟然打風！三點幾報八號波！想話走頭之際，接到一個電話，你地估係邊個？　　電話傳Jenny聲：「Darling ！」　　Jenny係我以前個女朋友，佢結婚先過我，結婚又多過我，唔計同居都有三次，淨係駛瞻養費都駛唔晒。　　「寬呀！阿Cat話我知你分居！」　　阿Cat點知我分居呢？　　「係佢男友Patrick同佢講！Patrick同Andrew好熟，Andre w公司有個女仔Anita有個朋友Yv onne你隔籬公司做，識得你廣告公司個Receptionist嘛！」太複雜！　　「寬呀，幾時得閒出慶祝你重獲自由呀？」　　我急不及待：「就今晚啦！唔就聽日？」　　Jenny用一把甜到我打冷震聲答我：「聽日我約個Friend出海呀！HowaboutMonday？」　　「妳話點就點啦！」　　今晚成晚諗住Jenny！佢有成卅八吋半！　　自由真係可貴。　　「打風」吹爛我一隻窗。　　都唔知點好，不過，仍然幻想住Jenny。　　　　　　SAT 　　一早起身原來落波，又要返工。大古惑冇返，打電話俾佢，佢話唔係八號風球咩？慌唔係尋晚打牌打通宵咩。佢好彩，娶到個好老婆。　　收到Jenny張分居賀咭。原來香港真係有分居賀咭！上面印住英文意思「重獲新生」，其實都D赤柱監躉用，精神病患者出院後都用。但係有一樣，Jenny 佢簽名上面加Love字，咩意思呢？　　下晝去尖沙咀行街，Q太郎老婆約人，佢一支公周街逛，太空館門口撞到佢。兩個麻甩佬一齊去買衫。　　今日買半打纖巧型內褲。　　晚黑著住一條張床打坐，對住塊鏡，十足個廣告一樣。　　掉兩條孖煙囪。　　阿媽打電話，話聽日煲青紅蘿蔔豬肉湯，叫我返去飲。　　今晚，係首次分居後覺得好悶。　　死喇！分居未夠一個禮拜就話悶，咁點捱呀？　　　　　　SUN 　　到黃朝百宴，起身好肚餓，搵勻雪櫃冇食。裏面有兩隻屍體，唔知餓死定凍死呢？　　落街買個飯盒。我硬係覺得個看更佬知道我分居，佢望我D 眼光都唔同。　　下晝套西裝出熨。熨直條領又熨唔服個膊，麻煩。聽日見Je nny點呢？　　夜晚返阿媽度飲青紅蘿蔔湯，一路飲阿媽一路「娥」，話早知當年同意我地同居，好過今日搞到分居。呢啖湯真惡飲。

查看全部评论(1)


内容
评分	我有这个文件好不好色情病毒反动
	正在发送信息 ....

[小男人周记2：错在新宿].Brief.Encounter.In.Shinjuku.1990.PROPER.DVDRip.XviD-LAJ.avi

最新评论

相关评论